Berkarar döwletiň täze eýýamynyň Galkynyşy döwründe ýurdumyzda ynsan saglygy we bagtyýarlygy ugrunda giň gerimli işler amala aşyrylýar. Şu nukdaýnazardan, golaýda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşiniň guramagynda gojaman Hazaryň kenaryndaky «Awaza» milli syýahatçylyk zolagynda «Daýanç» çagalar sagaldyş we dynç alyş merkeziniň tomusky dynç alyş möwsümi döwründe dynç alýan çagalaryň gatnaşmagynda Bütindünýä welosiped güni mynasybetli sportuň dürli görnüşleri boýunça sport bäsleşigi geçirildi.
Gyzgalaňly we çekeleşikli geçen bäsleşige gatnaşan we ýeňiji bolan çagalara Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi tarapyndan ýadygärlik sowgatlary gowşuryldy.
Bäsleşigiň ahyrynda oňa gatnaşanlar berk bedenli, sagdyn ruhly nesli kemala getirmekde, köpçülikleýin bedenterbiýe-sagaldyş hereketini ösdürmekde giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Gurbanmyrat ABDYLWELIÝEW,
Türkmenistanyň Magtymguly adyndaky
Ýaşlar guramasynyň Türkmenbaşy şäher
Geňeşiniň Guramaçylyk bölüminiň müdiri.
