Golaýda Lebap welaýatynyň Hojambaz etrabynyň 2-nji çagalar bakja-bagynda Türkmenistanyň Magtymguly adyndaky Ýaşlar guramasynyň Lebap welaýatynyň Hojambaz etrap Geňeşi hem-de jemgyýetçilik guramalary bilen bilelikde guramagynda, 2-nji çagalar bakja-bagynda terbiýelenýän körpejeleriň gatnaşmagynda «Halkara parahatçylyk we ynanyşmak» ýylynda çagalar bagyna gatnaýan körpeleriň arasynda sagdyn durmuş ýörelgelerini ýaýbaňlandyrmak, ýaş nesilleriň sazlaşykly ösüşini üpjün etmek, olaryň ukyp-başarnyklaryny ösdürmek, zehinli ýaşlary ýüze çykarmak maksady bilen «Hoş gal eziz bakjam» atly aýdym-sazly baýramçylyk çäresi geçirdi.
Dabarada körpeler özleriniň ukyp başarnyklaryny aýdymdyr-sazlarynyň üsti bilen görkezdiler. Şeýle hem körpe balalar öz aralarynda Watanymyzy wasp edýän goşgular bilen diňleýjilerde täsinlikler galdyrdy.
Çäräniň ahyrynda oňa gatnaşanlar döwrebap bilim almagy, ylym öwrenmegi, sport we döredijilik bilen meşgullanmagy ugrunda döredip berýän giň mümkinçilikleri üçin Gahryman Arkadagymyzyň, Arkadagly Gahryman Serdarymyzyň adyna çaga kalplaryndan köp sag bolsun aýtdylar.
Gunça SAPAROWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Hojambaz etrap Geňeşiniň guramaçylyk
bölüminiň baş hünärmeni.
