Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň, etrap häkimligi bilen bilelikde guramagynda Gökderedäki “Beýik Serdaryň ruhubelent nesilleri” çagalar sagaldyş we dynç alyş merkezinde dynç alýan çagalaryň gatnaşmagynda “Sport saglygyň girewidir” ady bilen sportyň dürli görnüşleri boýunça bäsleşik geçirildi.
Çekeleşikli we gyzykly geçen çäräniň dowamynda işjeň gatnaşan çagalar uzak aralyga ylgamak, tanap çekmek, küşt, şaşka, surat çekmek we sportuň birnäçe görnüşler boýunça ýaryşdylar. Körpe nesiller deň-duşlary bilen özara bäsleşdiler, olara Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi tarapyndan ýadygärlik sowgatlar gowşuryldy.
Merkezde dynç alýan körpe nesiller türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini aýtdylar.
Aýgül MELÄÝEWA,
Türkmenistanyň Magtymguly adyndaky Ýaşlar
guramasynyň Aşgabat şäheriniň Berkararlyk
etrap Geňeşiniň uly buhgalteri.
