Golaýda, Lebap welaýatynyň Halaç etrabynyň Aryk-aýak obasynyň miweli bagynda Halaç etrap häkimliginiň, etrabyň jemgyýetçilik guramalarynyň, zenanlar guramasynyň, medeniýet merkeziniň bilelikde guramagynda Medeniýet we sungat işgärleriniň we Magtymguly Pyragynyň şygryýet güni mynasybetli «Medeniýet we sungat halkyň ruhy baýlygy» atly aýdym sazly baýramçylyk dabarasy geçirildi. Bu dabarada etrabyň medeniýet we sungat merkeziniň ýerine ýetiren ýurdumyzyň asudalygyny, parahatçylygyny wasp edýän aýdymlary, görkezen sahna oýunlary, akyldar şahyrymyz Magtymguly Pyragynyň çuň manyly goşgulary dabara gatnaşanlarda uly täsir galdyrdy.
Şatlyk şowhuna beslenen dabarada pederlerimizden miras galan milli medeniýetimizi, sungatymyzy dünýä ýaýmak ugrunda ýurdumyzda Gahryman Arkadagymyzyň, Arkadagly Gahryman Serdarymyzyň ýolbaşçylygynda uly işler amala aşyrylýar. Muňa mysal edip ýurdumyzda gurlup ulanylmaga berlen teatrlary, kitaphanalary, muzeýleri we medeniýet öýlerini görkezmek bolar.
Türkmen medeniýetiniň, sungatynyň ösmegine giň ýol açyp berýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň hemişe rowaçlyklara beslenmegini arzuw etdiler.
Ýaraş HAÝYTOW,
Türkmenistanyň Magtymguly adyndaky
Ýaşlar guramasynyň Lebap welaýatynyň
Halaç etrap Geňeşiniň başlygy.
