Ýakynda, Lebap welaýatynyň Köýtendag etrabynyň Çagalar we sungat mekdebiniň mejlisler zalynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşi hem-de Medeniýet bölümi bilen bilelikde gurnamagynda ýaşlaryň gatnaşmagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli, «Milli gymmatlyklarymyza buýsanç» ady bilen baýramçylyk dabarasy geçirildi.
Baýramçylyk dabarasyna gatnaşanlar hormatly Prezidentimiziň taýsyz tagallalary bilen milli medeniýetimiziň we sungatymyzyň rowaçlanmagyna, dünýä çykmagyna giň ýoluň açylandygy, Arkadagly Gahryman Serdarymyzyň söz ussatlaryna, aýratyn-da, beýik akyldar şahyrymyz Magtymguly Pyragynyň döredijiligine uly sarpa goýýandygy, şahyryň bize goýan edebi mirasy dogrusynda giňişleýin çykyş etdiler.
Baýramçylyk dabaranyň ahyrynda gadymdan gelýän medeni mirasymyzy gorap saklamakda, giňden wagyz etmekde giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Gülzar BEKMURADOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Köýtendag etrap Geňeşiniň Guramaçylyk
bölüminiň baş hünärmeni.
