Golaýda Sakarçäge etrabynyň 1-nji çagalar bakja-bagynda Türkmenistanyň Magtymguly adyndaky Ýaşlar guramasynyň Sakarçäge etrap Geňeşiniň we ady agzalan çagalar bakja-bagynyň bilelikde guramagynda “Medeniýet-sungatyň toýudyr – bu toý!” ady bilen baýramçylyk çäresi geçirildi. Medeniýet we sungat işgärleriniň hem-de Magtymguly Pyragynyň şygryýet güni mynasybetli geçirilen dabara bakja-bagynyň terbiýeçileri, körpeler we ene-atalar uly ruhubelentlikde gatnaşdylar.
Owadan bezelen sahnada körpeleriň aýdym-sazly çykyşlaryna tomaşa edildi. Çäräniň dowamynda parahat ýurdumyzyň, asuda zamanamyzyň waspyny ýetirýän aýdymdyr sazlar belentden ýaňlandy. Akyldar şahyr Magtymguly Pyragynyň goşgularyna düzülen aýdymlar hem çykyşlarda aýdyň beýanyny tapdy.
Çäräniň ahyrynda baýramçylyk mynasybetli guralan sergä tomaşa edildi. Çäräniň ahyrynda oňa gatnaşanlar ýurdumyzyň medeniýetini, sungatyny ösdürmekde netijeli işleri durmuşa geçirýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Çynar HOŞGELDIÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň esasy hünärmeni.
