ABŞ-da geçirilýän futbol boýunça klublaryň arasyndaky dünýä çempionatynyň ýarym final oýnunda «Çelsi» kluby «Fluminense» toparyndan üstün çykdy. Oýun 2:0 hasaby bilen tamamlandy. Žoao Pedro garşydaşynyň derwezesine iki gol salmagy başardy (18-nji we 56-njy minutlarda).
Finalda «Çelsi» kluby «Real» - «PSŽ» klublarynyň oýnunyň ýeňijisi bilen duşuşar.
Žoao Pedro aslynda «Fluminense» klubynda ösüp ýetişen futbolçydyr, ol 2019-njy ýyla çenli Braziliýanyň şu toparynda çykyş edipdi. Iýulyň başynda ol «Braýton» klubyndan «Çelsä» geçdi.
turkmenportal
