Golaýda Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher Geňeşiniň hem-de şäher bilim bölüminiň bilelikde guramagynda Baýramaly şäheriniň 22-nji çagalar bakja-bagynda “Sport – kämillige badalga” ady bilen ýeňil atletika boýunça ýaryş geçirildi.
Ýaryşda körpeler uzak aralyga ylgamak boýunça ýaryşdyrlar. Olar öz aralarynda iki topara, ýagny “Şatlyk” hem-de “Şowhun” toparlara bölündiler. Ýaryşda körpeler öz ukyp-başarnyklaryny görkezdiler. Ýeňiji bolan toparyň körpelerine Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher Geňeşiniň adyndan Hormat hatlary gowşuryldy.
Ýaryşyň ahyrynda oňa gatnaşanlar ýaşlaryň sport bilen meşgullanmagy üçin taýsyz tagallalary edýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýürekden alkyşly sözlerini aýtdylar.
Maksatgeldi ANNAMYRADOW,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly şäher Geňeşiniň uly buhgalteri.
