Berkarar döwletiň täze eýýamynyň Galkynyşy döwründe milli bilim ulgamyny kämilleşdirmek, ýokary aň-düşünjeli, giň gözýetimli, innowasion tehnologiýalardan başy çykýan ukyply ýaşlary terbiýeläp ýetişdirmek ugrunda uly işler durmuşa geçirilýär. Döwletimiz tarapyndan zehinli ýaşlary ýüze çykarmak, goldamak, höweslendirmek we ugrukdyrmak ugrunda ähli zerur çäreler görülýär. Sanly bilim ulgamy kämilleşýär. Bilim ojaklary iň kämil tehnologiýalar, ýokary hilli kitaplar we gollanmalar bilen üpjün edilýär. Gurlup ulanylmaga berilýän, dünýä ülňülerine laýyk gelýän bilim ojaklary ýaşlara çagalykdan kämil bilim bermäge, höwes bildirýän ugurlaryna taýýarlamaga mümkinçilik döredýär. Ýaş nesil okuwdan daşary kompýuter tehnologiýalaryny, dürli daşary ýurt dillerini öwrenip, döredijilik bilen meşgullanyp bilýär.
Hormatly Prezidentimiziň parasatly baştutanlygynda üstünlikli durmuşa geçirilýän bilim özgertmeleri ýaşlaryň hemmetaraplaýyn ösmegine we kämilleşmegine, ata Watanymyzyň dünýädäki abraý-mertebesiniň has-da belende göterilmegine mümkinçilik berýär. Soňky ýyllarda bilim ulgamynda amala aşyrylan bu özgertmeleriň oňyn netijesini häli-şindi görmek bolýar. Biziň başarjaň ýaşlarymyz halkara internet, ders we taslama bäsleşiklerinde üstünlikli çykyş edýärler, olimpiýadalarda baýrakly orunlara mynasyp bolýarlar.
Güýçmyrat ÝAGŞYÝEW,
Türkmenistanyň Magtymguly adyndaky
Ýaşlar guramasynyň Balkan welaýat
Geňeşiniň başlygynyň w.ýe.ýe.
