Golaýda Balkan welaýat Taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň Balkanabat şäher Geňeşiniň guramagynda ýaş nesillerde ruhy-ahlak gymmatlyklarymyza, milli medeniýetimize, däp-dessurlarymyza, taryhy we medeni mirasymyza hormat goýmak we aýawly garamak endiklerini terbiýelemek maksady bilen “Tarypa mynasyp taryhymyz bar” atly şygar astynda gezelenç çäresi geçirildi.
Gezelençde ýaşlar taryhy ýadygärliklerimize, milli gymmatlyklarymyz bolan şaý-seplerimize, taryhy tapyndylarymyza syn etdiler.
Gezelenjiň dowamynda oňa gatnaşanlar şeýle eşretli durmuşy peşgeş beren türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, alyp barýan tutumly işleriniň elmydama rowaç bolmagyny arzuw etdiler.
Meňli GOÇMÄMMEDOWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Balkanabat şäher Geňeşiniň uly buhgalteri.
