Ýaňy-ýakynda Lebap welaýatynyň Darganata etrabynyň 1-nji orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşiniň hem-de Türkmenistanyň Kärdeşler arkalaşyklarynyň Lebap welaýatynyň Darganata etrap birleşmesi, Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşiniň işgärleriniň gatnaşmagynda «Ýaş nesiller Watanymyzyň guwanjy» ady bilen wagyz-nesihat duşuşygy geçirildi.
Duşuşykda Darganata etrabynyň 1-nji orta mekdebiniň mugallymy Nurjan Nazarowa, Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşiniň Guramaçylyk bölüminiň baş hünärmeni Ýolly Allaberdiýewa, Türkmenistanyň Kärdeşler arkalaşyklarynyň Lebap welaýatynyň Darganata etrap birleşmesiniň hünärmeni Patma Saparbaýewa çykyş etdiler.
Olar özleriniň çykyşlarynda ata Watanymyza, halkymyza, oňyn ýörelgelerimize, milli däp-dessurlarymyza wepaly, bilimini ýokarlandyrmaga, sport bilen meşgullanmaga, hünär öwrenmäge, zähmet çekmäge höwesli, ruhubelent ýaşlar kemala gelýär. Ýaş nesilleriň abadançylygynyň we hemmetaraplaýyn ösüşiniň üpjün edilmeginde, olaryň sagdynlygyna möhüm orun degişli bolýar. Ýurdumyzyň ýaş nesilleriniň döredijilik hem-de sungatyň dürli ugurlary bilen meşgullanmaklary üçin-de, ajaýyp mümkinçilikler döredilýär diýip belläp geçdiler.
Duşuşygyň ahyrynda ýurdumyzda ylym-bilim ulgamyny hemme taraplaýyn ösdürip, ýaşlarymyzyň döwrebap bilim almaklary üçin taýsyz tagallalary edýän, halkymyzyň ýagty geljegi ugrunda beýik işleri durmuşa geçirýän Gahryman Arkadagymyza we Arkadagly Gahryman Serdarymyza alkyş sözlerini aýtdylar.
Dünýägözel HAÝTEKOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Darganata etrap Geňeşiniň uly buhgalteri.
