Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşi, etrap bilim bölümi bilen bilelikde «Halkara parahatçylyk we ynanyşmak» ýylyna bagyşlanyp, etrabyň 2-nji çagalar bakja-bagynda terbiýelenýän körpeleriň arasynda «Çaga terbiýesi bagtyýar geljegiň nury» ady bilen sportuň dürli görnüşleri boýunça ýaryşlary geçirdi.
Ýaryş sportuň, ylgamak, futbol, basketbol görnüşleri boýunça geçirilip, körpeler janköýerlik bilen tutanýerlilikde bäsleşdiler. Netijede, körpeler özleriniň sporta bolan söýgüsini açyp görkezdiler.
Ýeňiji bolan körpelere Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşi tarapyndan ýadygärlik sowgatlary gowşuryldy.
Alfiýa ŞEMMIÝEWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Esenguly etrap Geňeşiniň
sanly ulgam boýunça esasy hünärmeni.
