Berkarar döwletimiziň täze eýýamynyň Galkynyşy döwründe Ahal welaýatynyň Sarahs etrabyndaky “Döwletabatgazçykaryş” müdirliginiň sport meýdançasynda “Saglyk — rahat ýaşaýyş” ady bilen futbol ýaryşy geçirildi. Türkmenistanyň Magtymguly adyndaky Ýaşlar guramasynyň Sarahs etrap Geňeşiniň we müdirliginiň ilkinji Ýaşlar guramasynyň bilelikde guramagynda geçen ýaryşa toparlaryň birnäçesi gatnaşdy. Sportuň futbol görnüşi boýunça geçirilen duşuşyk gyzgalaňly geçdi. Bu çekeleşikli geçen duşuşykda “Gazçylar” topary duşuşygyň ýeňijisi bolmagy başardy.
Bäsleşikde ýeňiji bolan topara “Döwletabatgazçykaryş” müdirliginiň Türkmenistanyň Magtymguly adyndaky ilkinji Ýaşlar guramasynyň ýadygärlik sowgatlary dabaraly ýagdaýda gowşuryldy.
Batyr NARYÝEW,
Türkmenistanyň Magtymguly adyndaky Ýaşlar guramasynyň
Ahal welaýatynyň Sarahs etrabyndaky “Döwletabatgazçykaryş”
müdirliginiň ilkinji Ýaşlar guramasynyň başlygy.
