Şeýle at bilen Balkanabat nebitçilik orta hünär okuw mekdebiniň talyp ýaşlarynyň arasynda TMÝG-niň Balkan welaýat Geňeşi, Balkan welaýat Polisiýa müdirligi hem-de welaýat sport we ýaşlar syýasaty Baş müdirligi bilen bilelikde wagyz-nesihat çäresini gurnaldy.
Berkarar döwletimiziň bagtyýarlyk döwründe ýaş nesliň saglygy döwletiň ileri tutýan wezipeleriniň birine öwrüldi. Olaryň sagdyn hem-de berk bedenli bolmaklary, kämil tehnologiýalardan baş çykarmaklary üçin döwletimiz ähli zerur şertleri döredýär. Ýurdumyzda bolup geçýän ösüş-özgerişlere mynasyp goşantlaryny goşmak, ýaramaz endiklerden daşda durup, sport bilen meşgullanmak ýaşlaryň gündelik kadasyna öwrülýär. Çykyş edenler şular dogrusynda gürrüň etmek bilen, talyplara temmäki önümleriniň zyýanyny, jemgyýetçilik ýerlerinde tertip-düzgünleriň berk berjaý edilmelidigini düşündirdiler. Sagdynlygyň hem-de ruhubelentligiň mekanyna öwrülen Garaşsyz, baky Bitarap ýurdumyzda ýaşlaryň bagtyýar geljegi ugrunda uly aladalary edýän hormatly Prezidentimize alkyş sözlerini aýtdylar.
Güýçmyrat Ýagşyýew,
TMÝG-niň Balkan welaýat Geňeşiniň başlygynyň orunbasary
