Ýer görki – suw, suw görki – guw.
* * *
Suw ýygnanyp köl bolar, köp ýygnanyp – il.
* * *
Damja suwdan tal çykar.
* * *
Tereň suwlar bulanmaz.
* * *
Odunyň – gurusy, suwuň – durusy.
* * *
Ekiniň hemdemi suw, ýeriň – melhemi.
* * *
Göçjek diýip, odunyňy ýakma,
Guýy göründi diýip, suwuňy dökme.
* * *
Nan – uludan, suw – kiçiden.
* * *
Oglanly öýde odun durmaz, gyzly öýde – suw.
* * *
Ot – dokluk, suw – semizlik.
* * *
Suw gaýnap goýalmaz, ýaman hiç wagt oňalmaz.
* * *
Suw seslener gamyş bilen, gyz beslener kümüş bilen.
* * *
Suwuň siňňin akanyndan gork, gyzyň – ýere bakanyndan.
* * *
Wagt dagy gemrer, suw – daşy.
* * *
Söz eýesi – gulak, suw eýesi – bulak.
* * *
Balygyň diriligi suw bilen.
* * *
Bikär düýşi suwa aýt.
* * *
Suw – akan ýerine, bagt – bakan ýerine.
* * *
Suw akar – göz bakar.
* * *
Suw berseň, akary bilen, mal berseň, bakary bilen.
* * *
Suw gezegini beren ýyl ajy galar, tamdyr gezegini beren – gün ajy.
* * *
Suw köp ýatsa ajar.
* * *
Gyş suwy – gyzyl suwy.
* * *
Suw sakasyz bolmaz, don – ýakasyz.
* * *
Daýhanyň hazynasy – ýer, suw.
* * *
Suwy sep – siňer ýere, sözi aýt – sygar ýere.
* * *
Şory döredýänem suw, eredýänem.
* * *
Aglap-aglap pel çeken, gülüp-gülüp suw tutar.
* * *
Arykdan suw akar, daýhana Hudaý bakar.
* * *
Çillede suw içen üzüm hiç haçan suwsamaz.
* * *
Suwly ýer – gül, suwsuz ýer – çöl.
