TAÝÝARLYK ÝOKARY DEREJEDE

Häzirki wagtda ýurdumyzdaky ähli bilim ojaklarynda täze okuw ýylyny ýokary derejede garşylamak babatda uly işler durmuşa geçirilýär, çünki täze okuw ýylyna göwnejaý taýýarlyk görmek onuň üstünliklere beslenmeginiň girewidir. Şundan ugur alyp, mekdebimiziň agzybir mugallymlarydyr beýleki işgärleri okuw otaglaryny we mekdebiň daş-töweregini abadanlaşdyrmaga, täze okuw-görkezme esbaplaryny taýýarlamaga aýratyn yhlas bilen çemeleşýärler.

Mek­de­bi­mi­ziň tä­ze okuw ýy­ly­na taý­ýar­lyk gör­lüşiniň netijeleri bilen baglylykda, etrap bilim bölümi tarapyndan guralýan ýörite bäsleşikde ýylyň-ýylyna guwandyryjy netijeleri gazanmagy-da munuň aýdyň subutnamasydyr.

Mek­de­bi­miz­de hä­zir­ki wagt­da abat­la­ýyş iş­le­ri giň­den ýaý­baň­lan­dy­ryl­dy. Mek­de­biň äh­li synp otagla­ry­nyň ýag­ty, aras­sa bol­ma­gy üçin abat­la­ýyş iş­le­ri ýo­ka­ry de­re­je­de al­nyp ba­ryl­dy. Şo­nuň ýa­ly-da, synp otag­la­ryn­da­ky we mek­de­biň dä­liz­le­rin­dä­ki di­war­lyklar, enjamlar we tehniki serişdeler gaýtadan gözden geçirildi. Oturgyçlardyr partalaryň abatlygy hem üns mer­ke­zin­de sak­lan­dy. Di­war­lyk­la­ryň we okuw-görkezme esbaplarynyň täze, baý mazmunly görnüşlerini taý­ýar­la­ma­ga aý­ra­tyn äh­mi­ýet be­ril­di. Bu ba­bat­da mek­de­bi­mi­ziň gö­rel­de­li mu­gal­lym­la­ry Tyl­la Ýa­ra­şowa, Mawl­ýu­da Ba­ba­şo­wa da­gy aý­ra­tyn ta­gal­la edip, kärdeşlerine görelde görkezdi.

Taý­ýar­lyk iş­le­rin­de okuw­çy­la­ryň ki­tap­lar bi­len üp­jün­çi­li­gi, ki­tap go­ru­nyň ýe­ter­lik bol­ma­gy mek­dep ki­tap­ha­na­sy­na bil­di­ril­ýän ta­lap­la­ryň bi­ri­dir. Şo­nuň üçin-de, okuw ki­tap­la­ry hem do­ly göz­den ge­çi­ri­lip, mek­dep ki­tap­ha­na­synda ýer­leş­di­ril­di. Şol bir wagt­da kitap tekjeleriniň berkligi gazanyldy.

Bi­lim oja­gy­nyň hü­när­men­ler bi­len üp­jün­çi­li­gi hem mö­hüm me­se­le­le­riň bi­ri­dir. Tä­ze okuw ýy­lyn­dan ýurdu­my­zyň ýo­ka­ry okuw mek­dep­le­ri­ni ta­mam­lan ýaş hü­när­men­le­riň en­çe­me­si il­kin­ji zäh­met ýo­lu­na baş­larlar. Mek­de­bi­miz­de ola­ry gar­şy­la­ma­ga, mu­gal­lym­çy­lyk kärine girişmeklerine we işe uýgunlaşmaklaryna ýardam et­mä­ge aý­ra­tyn üns be­ril­ýär. Bu ba­bat­da ha­ly­p-aşä­girt­lik ýo­ly my­na­syp do­wam et­di­ril­ýär. Mek­de­biň halypa mugallymlary ýaş hünärmenlere berkidilip, özara arabaglanyşykly iş alyp barýarlar.

Şu ýyl ilkinji gezek ak mekdebe gadam basjak çagalary mynasyp garşylamak hem möhüm wezipeleriň ha­ta­ryn­da kes­git­le­nil­di. Mek­de­biň de­giş­li mu­gal­lym­la­ry we ýol­baş­çy­la­ry ta­ra­pyn­dan tä­ze okuw ýy­lyn­da bi­rin­ji syn­pa gel­jek okuw­çy­la­ryň sa­na­wy taý­ýar­la­nyl­dy. Şu ýyl mek­de­bi­mi­ze okuw­çy­la­ryň 75-si 1-nji syn­pa oku­wa ge­ler. Tiz­den okuw­çy­la­ry mek­de­be uý­gun­laş­dyr­mak bo­ýun­ça iş­le­ri ýo­la goý­mak me­ýil­leş­di­ril­ýär.

Umu­man, mek­de­bi­mi­ziň mu­gal­lym­la­ry tä­ze — 2022 — 2023-nji okuw ýy­ly­ny gar­şy­la­ma­ga gu­ra­ma­çy­lyk­ly taý­ýar­lyk gör­dü­ler. Bu iş­le­r ýaş nes­liň has-da kä­mil bilim almagynda örän uly ähmiýete eýedir.

Zarafat JUMANIÝAZOWA,

Farap etrabyndaky 18-nji orta

mekdebiň müdiriniň okuw

işleri boýunça orunbasary.

“Nesil” gazeti,

04.07.2022ý.