Gahryman Arkadagymyzyň halkymyza sowgat beren «Ömrümiň manysy» atly kitabynda «Bolsa guralyň saz — muşakgatyň bolar az» diýlen çuňňur manyly nakyl getirilipdir. Hormatly Prezidentimiziň öňdengörüjilikli adyl syýasatynyň netijesinde ýurdumyzyň ýokary okuw mekdepleriniň ählisine-de bütindünýä ylmy jemgyýetçiliginiň iň soňky gazananlaryna esaslanýan tehnologiýa enjamlary arkaly sanly bilim ulgamynyň ornaşdyrylmagy dünýägaraýşymyzyň has döwrebap derejede giňemegine uly mümkinçilikleri döretdi. Ýurdumyzda Gahryman Arkadagymyzyň taýsyz tagallasy bilen 2017-nji ýylyň 15-nji sentýabrynda «Türkmenistanda sanly bilim ulgamyny ösdürmegiň Konsepsiýasy» kabul edildi.
Bu Konsepsiýanyň esasy maksady ýurdumyzyň innowasion ösüşine laýyklykda bilim bermegiň ähli basgançaklaryny ýokary hilli elektron bilim maglumatlary bilen üpjün etmekden, bilim edaralarynda berilýän bilimiň mazmunyny baýlaşdyrmakdan, hilini ýokarlandyrmakdan we okatmagyň usulyýetini kämilleşdirmekden ybaratdyr. «Türkmenistanda sanly bilim ulgamyny ösdürmegiň Konsepsiýasynyň» birinji tapgyryny durmuşa geçirmegiň çäklerinde ýurdumyzyň orta we ýokary okuw mekdeplerine «sanly bilim ulgamy» portaly ornaşdyrylýar. Bu bilim portaly özünde Elektron poçta, Elektron resminama, Uzak aralykdan bilim almak, Ylmy işler, Okatmagyň elektron serişdesi, Bäsleşikler, Olimpiadalar, Maslahatlar, Forumlar, Okuw kitaplary, Okuw gollanmalary, Sözlükler ýaly bölümleri jemleýär. Ähli amatlyklary, mümkinçilikleri, köpugurly ýeňillikleri bolan «Sanly bilim ulgamy» portalynyň üsti bilen bilimiň derejesi has-da ýokarlanýar we wagt tygşytlanýar. Ýurdumyz bilimleriň ösen mekanyna öwrülýär.
Goý, Arkadagly Serdarymyzyň başy dik, jany sag, il bähbitli, dünýä ähmiýetli alyp barýan işleri elmydama rowaç bolsun!
Saparmyrat MÄMMETMYRADOW,
Magtymguly adyndaky Türkmen döwlet
uniwersitetiniň mugallymy.
“Aşgabat” gazeti,
11.08.2022ý.
