2022-nji ýylyň 11-nji oktýabrynda Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi tarapyndan Kerki etrap Medeniýet merkeziniň bagşylar öýünde “Türkmeniň milli 72 saz guraly kalbymyzyň owazy” atly söhbetdeşlik geçirildi. Söhbetdeşlige Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşiniň guramaçylyk bölüminiň esasy hünärmeni E.Ýoldaşowa, Kerki etrabynyň bagşylar öýüniň ýolbaşçysy Rozymyrat Kerimow, bagşylar öýüniň bagşylary Agamyrat Joraýew, Resul Taganow, gyjakçy sazanda Agamämmet Mustakow we Kerki etrap Çagalar sungat mekdebiniň “Dutar” bölüminiň okuwçylary Meýlis Agajanow, Şöhrat Zairow, Uzukjemal Jumaýewa, Arzuw Akmyradowa, Gülälek Ýusupowa, Leýli Babamyradowa dagylar gatnaşdylar. Söhbetdeşligiň dowamynda bagşylar öýüniň bagşylary, Kerki etrap Çagalar sungat mekdebiniň “Dutar” bölüminiň okuwçylary birnäçe türkmen halk aýdymlaryny we sazlaryny ýerine ýetirdiler.
Arzuw RAHMANOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Kerki etrap Geňeşiniň başlygy.
