Halkyň Arkadagly zamanasy ýylynyň 11-nji noýabrnda Türkmenistanyň Magtymguly adyndaky Ýaşlar guramasynyň Ahal welaýatynyň Bäherden etrap Geňeşi Ahal welaýatynyň Bäherden etrap Bilim bölümi bilen bilelikde guramaklarynda Halkara Bitaraplyk güni mynasybetli etrabyň umumy bilim berýän orta mekdepleriniň 3-5-nji synplarynda okaýan okuwçy oglanlarynyň arasynda «Merdana nesil — 2022» atly şadyýan bäsleşiginiň etrap tapgyryny geçirdi.
«Merdana nesil — 2022» atly şadyýan bäsleşiginiň etrap tapgyrynyň dowamynda hormatly Prezidentimiziň parasatly ýolbaşçylygynda Berkarar döwletiň täze eýýamynyň Galkynyşy döwründe amala aşyrylýan uly ösüşleri, bagtyýar çagalygy, dost-doganlygy wasp edýän aýdym-sazly çykyşlar ýerine ýetirildi. «Merdana nesil — 2022» atly şadyýan bäsleşiginiň etrap tapgyrynda ýeňiji bolan oglanlara dabarany gurnaýjylar tarapyndan Hormat hatlary hem-de ýadygärlik sowgatlar gowşuryldy.
Bäsleşigiň ahyrynda çagalaryň ukyp başarnyklaryny ýüze çykarmakda döredip berýän giň mümkinçilikleri üçin oňa gatnaşan körpeler Arkadagly Serdarymyza çaga kalplaryndan syzylyp çykýan alkyş sözlerini aýtdylar.
Söhbet HOJAMUHAMMEDOW,
Türkmenistanyň Magtymguly adyndaky Ýaşlar
Guramasynyň Ahal welaýatynyň Bäherden etrap
Geňeşiniň guramaçylyk bölüminiň müdiri.
