EKO­LO­GI­ÝA ÜP­JÜN­ÇI­LI­GI — SAG­DYN­LY­GYŇ SA­KA­SY

8-nji awgustda ir bilen hormatly Prezidentimiz howa menzilinden «Awaza» milli syýahatçylyk zolagyna tarap ugur aldy we ýolugra bu ajaýyp künjekde dynç almak üçin dö­re­di­len şert­ler bi­len ta­nyş­dy.

Mil­li Li­de­ri­mi­ziň tab­şy­ry­gyna la­ýyk­lyk­da, Awa­za­nyň çäk­lerin­de we­lo­si­ped­le­ri kä­ren­de­si­ne ber­mek bo­ýun­ça bir­nä­çe be­ket dö­re­dil­di, ola­ryň aw­to­mat­laş­dyrylan ulgamy we bu ýerde gurnalan ýörite enjam Gün batareýa­la­ryn­dan alyn­ýan ener­gi­ýa­nyň ha­sa­by­na iş­le­ýär. Döw­let Baştu­ta­ny­myz be­ket­le­ri iş­let­me­giň ula­nyl­ýan usu­ly­ny oň­lap, be­ketleri ekologiýa talaplaryna doly ky­bap gel­ýän «Eko­we­lo­si­ped bekedi» diýip atlandyrylsa maksa­dala­ýyk bol­jak­dy­gy­ny bel­le­di.

Soň­ky ýyl­lar­da spor­tuň beýle­ki gör­nüş­le­ri bi­len bir ha­tar­da, ýurdumyzda welosiped sportunyň ös­dü­ril­me­gi­ne uly äh­mi­ýet be­ril­ýär. Hor­mat­ly Pre­zi­den­ti­miz ekologiýa taýdan arassa diýlip ykrar edi­len spor­tuň bu gör­nü­şi­niň bar­ha uly meş­hur­ly­ga eýe bol­ýandy­gy­ny bel­läp, hyz­mat­la­ryň şeý­le gör­nüş­le­ri­ni yzy­gi­der­li ýo­la goýma­gyň ze­rur­dy­gy­na ün­si çek­di.

Milli Liderimiz «Awaza» milli syýahatçylyk zolagy boýunça we­lo­si­ped sü­rüp bar­şy­na we­lo­siped­de gur­na­lan en­ja­myň kö­megi bi­len be­ket­de ag­ty­gy Ke­ri­miň dö­re­den «Ýa­şa, Türk­me­nis­tan! Be­dew ba­dy bi­len di­ňe öňe!» diýen tä­ze saz ese­ri­ni diň­le­di.

Ha­zar se­bi­ti­niň gö­zel­lik­le­ri bilen ut­ga­şyp, aja­ýyp heň­ler adamla­ra yl­ham ber­ýär, tä­ze üs­tün­likle­re ruh­lan­dyr­ýar. Mu­nuň özi çe­per dö­re­di­ji­li­giň we saz sun­gaty­nyň adam­za­dyň dur­mu­şyn­da uly äh­mi­ýe­te eýe­di­gi­niň aý­dyň my­sa­ly­dyr.

Mi­nistr­ler Ka­bi­ne­ti­niň Başly­gy­nyň orun­ba­sa­ry­nyň ha­bar ber­şi ýa­ly, ýur­du­my­zyň me­deni­ýet we sun­gat iş­gär­le­ri döw­let Baş­tu­ta­ny­my­zyň ag­ty­gy Ke­ri­miň dü­zen sa­zy­na aý­dym dö­ret­me­giň üs­tün­de iş­le­ýär­ler.

Hor­mat­ly Pre­zi­den­ti­miz «Ekowelosiped beketlerinde» hödür­le­nil­ýän hyz­mat­la­ryň hi­li­ni ýo­kar­lan­dyr­mak hem-de gör­nüşle­ri­ni gi­ňelt­mek bo­ýun­ça bir­nä­çe tab­şy­ryk­la­ry ber­di.

Döw­let Baş­tu­ta­ny­myz içe­ri işler mi­nist­ri­ne ýüz­le­nip, içe­ri iş­ler dü­zü­min­de po­li­si­ýa­nyň eko­welosiped toparyny döretmegi tabşyr­dy.

Soň­ra mil­li Li­de­ri­miz se­bit­le­ri ös­dür­me­giň çäk­le­rin­de, hu­su­sanda, «Awaza» milli syýahatçylyk zolagynda gurulmagy teklip edilýän dur­muş mak­sat­ly des­ga­la­ryň tas­la­ma­la­ry bi­len ta­nyş­dy.

Döw­let Baş­tu­ta­ny­myz tas­lama­lar bi­len tan­şyp, tas­la­ma­lar iş­le­nip dü­zü­len­de ýer­li te­bi­ga­tyň aýratynlyklary hasaba alynmalydyr hem-de adam­la­ryň dynç alma­gy üçin amat­ly şert­le­ri dö­retmek bilen bir hatarda, ekologiýa me­se­le­si hem üns­den dü­şü­ril­meli däl­dir di­ýip bel­le­di.

Bu ba­ra­da­ky gür­rü­ňi do­wam edip döw­let Baş­tu­ta­ny­myz tä­ze top­lu­my bi­na et­me­giň äh­li iş­leri­niň hä­zir­ki döw­rüň ta­lap­la­ry­na doly laýyk gelmelidigini belledi we bu ba­bat­da bir­nä­çe gör­kezme­le­ri ber­di.

Milli Liderimiz taslamalar bilen ta­nyş­ly­gy­ny ta­mam­lap, ozal be­ren tab­şy­ry­gy bo­ýun­ça sa­tyn al­nan tä­ze gä­mi­ni syn­la­mak üçin ýo­lu­ny do­wam et­di.

Tä­ze gä­mi­ni gar­şy­la­mak da­bara­sy mil­li däp-dessurlara la­ýyklyk­da gu­ral­dy.

«Ro­waç» diý­len ady alan gämi­niň ýa­nyn­da sak­la­nyp, hormat­ly Pre­zi­den­ti­miz onuň ka­pita­ny­nyň ha­sa­ba­ty­ny ka­bul et­di we gä­mi­niň deň­ze çyk­ma­gy­na ak pa­ta be­rip, egin­deş­le­ri bi­len gä­mä mün­di hem-de deňizde ge­ze­lenç et­di.

Gä­mi­de ýü­züş wag­tyn­da hormatly Prezidentimiz bu künjekde sy­ýa­hat­çy­ly­gyň ös­dü­ril­me­gi, de­ňiz gat­naw­la­ry­nyň ýo­la go­ýulma­gy bi­len bag­la­ny­şyk­ly me­se­leler bo­ýun­ça de­giş­li ýol­baş­çy­la­ra anyk tab­şy­ryk­lar ber­di.

“Nesil” gazeti,

10.08.2019ý.