Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi “Zehinli nesil” hojalyk jemgyýetiniň Daşoguz şahamçasynyň diňleýjileriniň gatnaşmaklarynda “Sport sagdynlyk, ezberlik, gözellik” atly sportuň şaşka görnüşi boýunça bäsleşik geçirdi. Bäsleşik ýaşlary köpçülikleýin bedenterbiýä-sporta, sagdyn durmuş ýörelgelerine çekmek maksady bilen geçirildi. Okuw merkezde bilim alýan oglan-gyzlar bäsleşige işjeň gatnaşdylar. Bäsleşigiň jemi boýunça oglanlardan 1-nji orna Karaýew Eldar, 2-nji orna Mansurow Atabek, 3-nji orna Dawletýarow Ilham mynasyp boldy. Gyzlardan 1-nji orna Galpakowa Jeren, 2-nji orna Şamuradowa Nargiza, 3-nji orna Narbaýewa Bikejan mynasyp boldular. Bäsleşikde ýeňiji bolanlara we işjeň gatnaşanlara TMÝG-niň ýerli Geňeşiniň ýadygärlik sowgatlary gowşuryldy.
