Türkmenistanyň Magtymguly adyndaky Ýaşlar guramasynyň Daşoguz welaýatynyň Gurbansoltan eje adyndaky etrap Geňeşi, etrabyň pensiýa gaznasy bölüminde “Ýaramaz endiklerden daşda bolalyň!” atly wagyz-nesihat çäresini geçirdi. Bu çäre işgärleriň arasynda temmäkä garşy göreşmegi giňden wagyz etmek maksady bilen geçirildi. Çärede ýerli jemgyýetçilik guramalarynyň wekilleri çykyş etdiler. Çykyşlarda Arkadagly Serdarymyzyň taýsyz tagallalary bilen sagdyn durmuş ýörelgelerini durmuşa geçirmek babatynda ýurdumyzda köp işleriň alnyp barylýandygy, adamzat saglygyna uly zyýan ýetirýän, ömrüne howp salýan sebäpleriň arasynda çilim çekmekligiň ýetirýän zyýanly täsiriniň iň howplularyň hatarynda orun alýandygy dogrusynda giňişleýin bellenip geçildi.
***
Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi etrabyň harby wekilligi bilen bilelikde, etrap medeniýet öýünde “Gülleýär Watanym, ýurdum abadan, bedew bady bilen berkarar Watan” atly aýdym-sazly dabara geçirdi. Dabara il sylagly ýaşulular, mährem eneler, TMÝG-niň Görogly etrap Geňeşiniň jogapkär işgärleri, etrabyň orta mekdepleriniň 11-nji synp okuwçylary gatnaşdylar.
Bu dabarada ýaşuly nesliň wekilleri, mährem eneler çykyş edip, ýaşlaryň Watan öňündäki gulluk borçlarynda uly üstünlikleri arzuw etdiler. Dabaranyň dowamynda ýaňlanan aýdym-sazlarda watançylyk, mertlik, edermenlik, parahatçylyk, asudalyk ýaly düşünjeleriň waspy ýetirildi. Harby gullugyň dowamynda ak ýürekden gulluk edip, görelde görkezen çagyryş boýunça harby gullukçylara degişli resminamalar dabaraly ýagdaýda gowşuryldy.
“Halkyň Arkadagly zamanasy” ýylynda Ýaragly Güýçlerimizden ätiýaçlyga boşaýan we çagyryş boýunça harby gulluga täze kabul edilýän ýigitler öz çykyşlarynda geljekde-de Watanymyza, halkymyza ak ýürek bilen gulluk etjekdiklerini aýdyp, ýurdumyzyň parahat, Gahryman Arkadagymyzyň we Arkadagly Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.
