Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi, etrabyň pagta arassalaýjy kärhanasynyň mejlisler jaýynda gyzgalaňly pagta möwsüminde aýratyn tapawutlanan ýaş daýhanlary ýüze çykarmak hem-de höweslendirmek maksady bilen, ýaş kärendeçileriň hem-de oba hojalyk işgärleriniň gatnaşmagynda «Daýhanyň hereketi, ýeriň bereketi – datly desterhanyň bezegi» atly şygar astynda çäre geçirdi. Çärede pagta ýygymy möwsüminde aýratyn tapawutlanan ýaş kärendeçilere hem-de oba hojalyk işgärlerine TMÝG-niň ýerli Geňeşi tarapyndan ýadygärlik sowgatlar gowşuryldy.
***
Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi, ýaşlaryň ugurtapyjylygyny hem-de başarnyk baýlyklaryny kämilleşdirmek maksady bilen, şäheriň 17-nji orta mekdebiniň 5-nji synp okuwçylarynyň arasynda “Muny kim başarar ?” atly şadyýan bäsleşik geçirdi. Bäsleşikde “Bagtyýarlyk”, “Berkararlyk” hem-de “Galkynyş” toparlary özara bäsleşdiler. Bäsleşik üç şertden: kim çalasyn-kim çakgan, muny diňe men başarýaryn, üm arkaly söhbetdeşlik şertlerinden ybarat boldy. Çekeleşikli geçen bäsleşikde “Galkynyş” topary ýeňIji boldy. Ýeňiş gazanan hem-de işjeň gatnaşan okuwçylara TMÝG-niň ýerli Geňeşiniň ýadygärlik sowgatlary gowşuryldy.
