Berkarar döwletiň täze eýýamynyň Galkynyşy döwründe Gahryman Arkadagymyzyň hemmetaraplaýyn sazlaşykly ösen kämil nesli terbiýeläp ýetişdirmek ugrundaky başlangyçlaryny mynasyp dowam etdirýän hormatly Prezidentimiziň parasatly ýolbaşçylygynda röwşen geljegimiz bolan ýaş nesillerimiziň bagtyýar durmuşda ýaşamagy, dünýäniň ösen tehnologiýalary bilen enjamlaşdyrylan orta mekdeplerde bilim-terbiýe almagy, sport bilen meşgullanmagy, watansöýüji, döwrebap bilimli, zähmetsöýer nesil bolup ýetişmegi üçin ähli şertler döredilýär.
Türkmenistanyň Bilim ministrliginiň, Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde Halkara Bitaraplyk gününiň 27 ýyllyk toýy mynasybetli ýurdumyzyň umumybilim berýän mekdepleriniň 9-11-nji synp okuwçylarynyň arasynda “Türkmeniň Bitaraplyk ýoly-dünýä nusgalyk ýörelge” diýen temada türkmen dilinde düzme ýazmak, iňlis dili dersi boýunça barlagnama almak we diktant ýazmak, tebigy hem-de takyk ugurlara degişli barlagnama almak boýunça bäsleşikleriň welaýat tapgyry geçirildi. Bäsleşige etrap, şäher tapgyrlarynda ýeňiji bolan okuwçylar gatnaşyp bäsleşigiň türkmen dilinde düzme ýazmak boýunça jemleýji tapgyryna Balkanabat şäheriniň Magtymguly adyndaky daşary ýurt dillerine çuňlaşdyryp öwredýän umumybilim berýän ýöriteleşdirilen 2-nji orta mekdebiniň 10-njy synp okuwçysy Satlykowa Abadan, iňlis dili dersi boýunça barlagnama almak we diktant ýazmak boýunça Serdar şäherindäki ýöriteleşdirilen 3-nji orta mekdebiniň 10-njy synp okuwçysy Durdyýewa Medine, tebigy we takyk ugurlara degişli barlagnama almak boýunça Balkanabat şäherindäki tebigy ugurly dersleri çuňlaşdyryp öwredýän ýöriteleşdirilen 21-nji orta mekdebiniň 11-nji synp okuwçysy Nuryýewa Mähri dagylar ýeňiş gazandylar. Şeýle hem, jemleýji tapgyryna gatnaşmaga hukuk gazandylar.
Sähragül IŞANOWA,
TMÝG-niň Balkan welaýat Geňeşiniň
umumy bölüminiň esasy hünärmeni.
