DOST-DOGANLYK DIPLOMATIÝASYNYŇ KÄMILLEŞMEGI

Eziz Watanymyzyň ösüşli menzillerine nazar aýlanyňda, buýsanjyňa buýsanç goşulýar. Çünki, Garaşsyzlygyň goýnunda, Bitaraplygyň saýasynda erkinligiň hözirini görüp ýaşaýan bagtyýar halkymyz 2022-nji- Halkyň Arkadagly zamanasy ýylynyň taryhy wakalaryny, şanly senelerini buýsanja besleýär. Türkmeniň taryhyna altyn harplar bilen ýazyljak bu ýyldaky ösüş-özgerişler biziň her birimizi zähmet üstünliklerine ruhlandyrýar. Arkadagly Serdarymyzyň ýolbaşçylygynda Berkarar döwletiň täze eýýamynyň Galkynyşy döwründe ýurdumyzyň hemişelik Bitaraplyk hukuk ýagdaýyna esaslanýan parahatçylyk söýüjilikli daşary syýasaty üstünlikli amala aşyrylýar. Ata-babalarymyzdan miras galan bitaraplyk ýörelgelerine ygrarly ýurdumyz dünýä döwletleri we halkara guramalar bilen deňhukukly hyzmatdaşlyk gatnaşyklaryny has-da ösdürýär.  Arkadagly Serdarymyzyň durmuşa geçirýän nusgalyk işleriniň netijesinde Türkmenistanyň Bitaraplyk hukuk ýagdaýy dünýäde we sebitde parahatçylygy, durnukly ösüşi üpjün etmegiň işjeň guralyna öwrülýär. Garaşsyz, hemişelik Bitarap Türkmenistanyň öňe sürýän “Dialog- parahatçylygyň kepili” konsepsiýasy ata Watanymyzyň halkara abraýynyň mundan beýläk-de ýokarlanmagy üçin giň mümkinçilikler döredýär.

Türkmenistanyň Garaşsyzlygyny we hemişelik Bitaraplygyny pugtalandyrmak, Watanymyzyň halkara bileleşikdäki belent abraýyny berkitmek, parahatçylyk söýüjilikli daşary syýasaty amala aşyrmak, ählumumy halkara maksatnamalary durmuşa geçirmek,  daşary ýurt döwletleri we halkara  guramalar bilen gatnaşyklary ösdürmek işine goşan uly şahsy goşandyny, döwletimiziň bähbitlerini goramakda, at-abraýyny has-da belende götermekde, Türkmenistanyň diplomatik gullugynyň işini mundan beýläk-de kämilleşdirmekde bitiren aýratyn hyzmatlaryny nazara almak, şeýle hem Halkara Bitaraplyk güni mynasybetli, Arkadagly Serdarymyza “Türkmenistanyň ussat diplomaty” diýen tapawutlandyryş nyşany bilen sylaglanmagy boýunça Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşi, etrap häkimligi, etrap bilim bölümi, etrap Jemgyýetçilik guramalary bilen bilelikde gurnamagynda Ýolöten şäher  medeniýet merkezinde etrabyň bilim bölüminde, edara-kärhanalarynda zähmet çekýän ýaşlaryň gatnaşmaklarynda “Dost-doganlyk Diplomatiýasynyň kämilleşmegi” ady bilen wagyz-nesihat çäresi geçirildi. Çärede Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň guramaçylyk bölüminiň müdiri Jennet Orazowa, Ýolöten etrap häkimliginiň bölüm müdiri Agagurban Alnyşow, Türkmenistanyň Agrar partiýasynyň Mary welaýatynyň Ýolöten etrap komitetiniň başlygy Ýagşymyrat Tairow, Türkmenistanyň Demokratik partiýasynyň Mary welaýatynyň Ýolöten etrap komitetiniň partiýa guramaçysy Mähri Geldiýewa dagylaryň gatnaşmagynda çykyş etdiler.

Ýurdumyzyň şan-şöhratyny belende göterýän Gahryman Arkadagymyzyň, Arkadagly Serdarymyzyň janlary sag, ömürleri uzak bolsun!

 

Meretgeldi ANNAKULYÝEW,

Türkmenistanyň  Magtymguly adyndaky

Ýaşlar guramasynyň Mary welaýatynyň

Ýolöten etrap Geňeşiniň başlygy.

Meňzeş habarlar