Aprel aýynda doglan adam gyzykly başdangeçirmelere, hemmeleriň ünsüni çekip biljek wakalara, diňe bir öz deň-duşlaryny däl-de, eýsem, ululary hem gyzyklandyryp biljek gürrüňlere garaşýarlar. Ýöne bu adamlaryň ýeke geçirýän günleri hem seýrek däldir. Olar käwagtlar ýeke galmagy we diňe öz gyzyklanýan işleri bilen meşgullanmagy gowy görýärler. Bu aýda dogulan çagalar kiçiliginden batyr bolýarlar. Olar öz hereketleriniň näme bilen gutarjakdygy barada pikirlenmeýärler. Mysal üçin, beýik şahalara dyrmaşanlarynda ondan nädip düşüp boljakdygynyň ýa-da nätanyş köçelere çykanlarynda soňra nädip yzyny tapjakdygynyň aladasyny etmeýärler. Bu çagalaryň öz howpsuzlygyna şeýle sowuk-sala garamaklary ene-atalarynyň göwnüne ýaramaýar. Olaryň şeýle batyrgaý hereketleri etmeklerine garamazdan, kiçijik syçanlardan ýa-da mör-möjeklerden gorkmagy hemmeleri geň galdyrýar. Aprelde doglan çagalar elmydama hereketde bolmagy gowy görýärler. Şonuň üçin hem olaryň güýçlerini dogry ýola, ýagny sportuň haýsy-da bolsa bir görnüşine ugrukdyrmak zerurdyr. Sportdan başga kino sungaty bilen hem gyzyklanýarlar. Geljekde bu ugurdan üstünlik gazanyp biljekdigine göz ýetireninden soňra, kiçiräk keşpleri boýun alyp, öz zehinlerini barlap görmelidirler. Bu çagalaryň daş-töwerekdäki adamlaryň “dilini tapmak” ukyby, pikirlenişiniň ýitiligi we ýatkeşliginiň güýçlüdigi, gepini-sözüni dogry we anyk düşündirip bilmekligi ýaly aýratynlyklaryny göz öňünde tutsak, olardan gowy ýolbaşçylaryň çykyp biljekdigi mälimdir. Aprel aýynda doglan meşhur adamlardan ýazyjy Nikolaý Gogoly, Gans Hristian Andersony, Wladimr Nabokowy, dramaturg hem şahyr Uilýam Şekspiri, şahyr Leonid Pasternagy, suratkeş Leonardo da Winçini, fizik Maks Planky, kompozitor Pýotr Çaýkowskini, filosof Tomas Gobbsy, Immanuil Kanty, alym Jeýms Parkinsony, aýdymçy Alla Pugaçýowany, Filipp Kirkorowy, Bastany, Stas Mihaýlowy, Sergeý Lazerewi, Waleriýany, Wiktoriýa Bekhemi, aktýor Jeki Çany, Al Paçinony, Çarli Çaplini, Jessika Albany, Uma Turmany, Kristian Stýuarty, Robert Daunini, Eddi Mýorfini, Rassel Krouyny, Iwan Urganty, aktrisa Emma Uotsony, Emma Tompsony, tennisçi Anre Agassini, Mariýa Şarapowany, küştçi Garri Kasparowy, awtomobil öndüriji Ferruçço Lamborginini görkezmek bolýar.
E.ANNAGELDIÝEWA,
TMÝG-niň Balkan welaýat Geňeşiniň guramaçylyk
bölüminiň sanly ulgam boýunça esasy hünärmeni.
