Türkmen şaý-sepleri gelin-gyzlarymyzyň mertebesidir.Sebäbi öz göwün diýen lybasyny geýip, şaý- sepini dakynyp çykan her bir türkmen zenanynyň başy buýsançlydyr, kalby joşgunlydyr. Şeýle mertebä eýe bolan türkmen maşgalasy, özüne bagyş edilen bu gözellikleri sarpalap edepli- ekramly geýinmegi, dakynmagy başarmalydyr.Edilýän talaba görä,orta asyrlarda Merwda 14 müňe golaý zergär şaý-sep ýasamak bilen meşgullanypdyr. Gadymyýetden gözbaş alýan milli şaý-seplerimize bolan isleg we talap örän uly bolupdyr.Türkmenistanyň günbatar sebitlerinde ulanylýan şaý-sepler babatda aýtsak,olar hem birnäçe özboluşly aýratynlyklar saklanypdyr. Şaý-sepler daşky sypatlary, milli häsiýetleri bilen utgaşyp, şol halkyň milli ýörelgelerinden ugur alýan egin-eşiklerinde, şaý-seplerinde öz boluşly aýratynlyklar saklanýar.
Şaý sepler daşky sypatlary, milli häsiýetleri bilen utgaşyp, şol halkyň milli derejesini kemala getirýär. Şonuň netijesinde her bir halkyň milli ýörelgelerinden ugur alýan egin – eşiklerinde, şaý – seplerinde özboluşly aýratynlyklar saklanýar. Şaý – sepleriň öz gözbaşyny ýönekeý nusgalarda, ilki durmuş döwründe alyp gaýtýanlygy barada taryhy çeşmelerde bellenilýär.
Türkmen şaý – sepleri özboluşlylygy we deňsiz-taýsyzlygy bilen tapawutlanýar, şeýle şaý-sepler başga hiç bir halkda duş gelmeýär. Her bir şaý – sep başarjaň elleriň we daş ýarýan zehiniň öňüni alyp aklyňy haýran edýär. Şaý – sepleriň gelin – gyzlara bagyşlanmagy, ozaly bilen türkmeniň zenan maşgalasyna goýýan sarpasydyr.
Şirinjemal AMANOWA,
Türkmenistanyň magtymguly adyndaky
Ýaşlar guramasynyň Ahal welaýatynyň
Ak bugdaý etrap Geňeşiniň sanly ulgam
boýunça esasy hünärmeni.
