Berkarar döwletiň täze eýýamynyň Galkynyşy döwründe nusgawy şahyrymyz Magtymguly Pyragynyň 300 ýyllygyny mynasyp garşylamak, goşgularyny halk köpçüligine ýetirmek we çeperçilik sungatyna höwes döretýän ýaş nesliň zehinini ýüze çykarmak maksady bilen “Pyragynyň paýhasy-dillermiziň senasy” atly döredijilik bäsleşigi geçirildi. Bäsleşikde çagalaryň her biri öz ukyp başarnyklaryny açyp görkezdiler. Bäsleşikde tapawutlananlara we gatnaşanlara Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi tarapyndan ýadygärlik sowgatlary gowşuryldy. Bäsleşigiň ahyrynda okuwçylar Gahryman Arkadagymyzyň, Arkadagly Serdarymyzyň janlarynyň sag belent başlarynyň aman bolmagyny, ýurdumyzy ösdürmekde alyp barýan beýik işleriniň mundan beýläk hem rowaçlyklara beslenmegini tüýs ýürekden arzuw etdiler.
Maýagül GARAJAÝEWA,
TMÝG-nyň Türkmenbaşy şäher Geňeşiniň
Sanly ulgam boýunça esasy hünärmeni.
