Hormatly Prezidentimiziň oba hojalygyny ösdürmekde gallaçy babadaýhanlara döredýän mümkinçiliklerinden ugur alyp, Ak bugdaý etrap häkimligi etrabyň jemgyýetçilik guramalary, etrap bilim bölümi, saglyk, medeniýet ulgamlary bilen bilelikde «Ak bugdaýyň Watanydyr diýarym» atly aýdym-sazly dabarasyny gurady. Ýokary ruhubelentlige beslenen dabarada aýdym-sazly çykyşlara giň orun berildi. Olarda Gahryman Arkadagymyzyň, Arkadagly Serdarymyzyň ýolbaşçylygynda Watanymyzyň ýeten derejesi, halkymyzyň bagtyýar durmuşy belent heňde wasp edildi. Şeýle hem dabara gatnaşyjylar ýurdumyzyň köpçülikleýin habar beriş serişdelerine seslenmeler bilen çykyş edip, olarda ýurdumyzda azyk bolçulygyny döretmekde alnyp barylýan işler, ata-babalarymyzyň daýhançylyk däplerine eýerip, türkmen daýhanlary üçin döredilýän şertler, şeýle tutumly işleriň sakasynda duran, daýhanlarymyzyň päk we halal zähmetiniň hözirini görüp ýaşamagy ugrunda uly tagalla edýän hormatly Prezidentimize we Gahryman Arkadagymyza hoşallyk sözleri buýsanç bilen aýdyldy.
Şirinjemal AMANOWA,
Türkmenistanyň Magtymguly adyndaky
Ýaşlar guramasynyň Ahal welaýatynyň
Ak bugdaý etrap Geňeşiniň guramaçylyk
bölüminiň sanly ulgam boýunça
esasy hünärmeni.
