Türkmenistanyň Magtymguly adyndaky Ýaşlar guramasynyň Ahal welaýatynyň Kaka etrap Geňeşiniň guramagynda etrabynda ýerleşýän hassahanasynda saglyk ulgamynda zähmet çekýän işgärleriň hem-de işewür ýaşlar guramasynyň agzalarynyň arasynda “Sagdynlyk maşgalanyň döwleti” ady bilen maslahat duşuşygy geçirildi. Maslahat duşuşygynda çykyş edenler hormatly Prezidentimiziň ilatyň saglygyny goramakdaky, ýaşlaryň ruhubelent we sagdyn bolmagy baradaky sargytlaryny berjaý edip, halkymyzyň sagdyn durmuş ýörelgesine eýermegi üçin ösüp gelýän ýaş nesillerimiziň ruhy we beden taýdan sagdyn, halkyna, Watanyna, hormatly Prezidentimize wepaly ýaşlar bolup ýetişmekleri üçin güýçlerini gaýgyrmajakdyklaryny aýtdylar. Maslahatyň dowamynda Berkarar döwletiň täze eýýamynyň Galkynyş döwründe jemgyýetimiziň her bir raýatynyň saglygy hakynda alada edýän hormatly Prezidentimiziň janynyň sag, ömrüniň uzak bolmagyny, il-ýurt bähbitli başlangyçlarynyň hemişe rowaç almagyny arzuw etdiler.
Begli MÄMMEDOW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Kaka etrap Geňeşiniň bölüm müdiri.
