Ümzügimiz öňe, gadamlar batly,
Bagtyýar zamanda bagtly biz, bagtly.
Watanym dünýäde şanly-şöhratly,
Bagtyýar zamanda bagtly biz, bagtly.
Meniň gözýetimim bilim-ylymdyr,
Geljege uzaýan röwşen ýolumdyr,
Meniň bagtym – abat türkmen ilimdir,
Bagtyýar zamanda bagtly biz, bagtly.
Barha gözelleşýär Watanyň görki,
Kalbymyň aramy, ömrümiň örki,
Ykbalym bir şoňa baglydyr çünki –
Bagtyýar zamanda bagtly biz, bagtly.
Bagty çüwen halkyň geljegi – ýaşlar,
Döwrüň gürsüldeýän ýüregi – ýaşlar,
Watanyň daýanjy, diregi – ýaşlar,
Bagtyýar zamanda bagtly biz, bagtly.
Şirin GAÝYPOWA,
Daşoguz welaýatynyň Akdepe etraby.
