2023-nji ýylyň 17-nji noýabrynda wekiliýetler Merkezi Aziýa ýurtlarynyň we Hytaý Halk Respublikasynyň ýaşlarynyň «Beýik Ýüpek ýolunyň täze eýýamy» atly forumynyň çäklerinde wekiliýetleriň ýolbaşçylarynyň arasynda ikitaraplaýyn duşuşyklar geçirildi. Türkmen tarapy bilen daşary ýurt wekilleri yzygiderlikde ikiçäk duşuşdylar. Türkmenistanyň Magtymguly adyndaky Ýaşlar guramasynyň Merkezi Geňeşiniň başlygy täjik, özbek, gazak, gyrgyz we hytaý kärdeşleri bilen ikitaraplaýyn duşuşyklary geçirdi. Wekiliýetleriň ýolbaşçylarynyň arasynda ikitaraplaýyn geçirilen duşuşyklar özara bähbitli ikitaraplaýyn hyzmatdaşlygy täze derejä çykarmaga ýardam eder.
