Ýakynda “Türkmenistan” ýaşlar bedenterbiýe-sport guramasynyň welaýat bölümi, Mary şäherindäki 2-nji sport mekdebi bilen bilelikde sportuň stoluň üstünde oýlanýan tennis görnüşi boýunça ýaryş geçirdi. Ýaryşa Mary şäherindäki orta mekdepleriniň ýokary synp okuwçy oglan-gyzlary gatnaşdylar.
Çekeleşikli ýagdaýda geçen ýaryşda oglan-gyzlar öz ukyp-başarnyklaryny görkezip baýrakly orunlary eýelediler. Emin agzalarynyň adalatly baha bermekleri netijesinde oglanlaryň arasynda Mary şäherindäki 3-nji orta mekdebiň okuwçysy Ýusup Penjiýew 1-nji, Mary şäherindäki 22-nji orta mekdebiň okuwçysy Ahmet Ymamýusupow 2-nji, Mary şäherindäki ýöriteleşdirilen welaýat mekdebiniň okuwçysy Pälwan Kakageldiýew 3-nji orny eýelemegi başardylar. Gyzlaryň arasyndaky ýaryşda Mary şäherindäki 18-nji orta mekdebiň okuwçysy Şirin Çaryýewa 1-nji, Mary şäherindäki 11-nji orta mekdebiň okuwçysy Bägül Agaorazowa 2-nji orna, Mary şäherindäki 12-nji orta mekdebiň okuwçysy Jahan Myradowa 3-nji orna mynasyp boldular. Ýaryşda ýeňiji bolanlara “Türkmenistan” ýaşlar bedenterbiýe-sport guramasynyň welaýat bölümi tarapyndan Hormat hatlary gowşuryldy.
Ogulşirin HOMMYÝEWA.
«Türkmenistan» ýaşlar bedenterbiýe-sport guramasynyň
welaýat bölüminiň hünärmeni.
«Türkmen sporty» gazeti
23.11.2023 ý.
