Türkmeniň tuwagy, genji-baýlygy,
Beýik şahyr Magtymguly Pyragy.
Pajarlaýar şygryýetiň şalygy,
Munda dowamatyň dowam, Pyragy!
Keşt eýleýip dünýäň sagy-soluny,
Ýagşylyga tutup niýet pälini,
Salgy berip hakykatyň ýoluny
Ýürekleň töründe ornan, Pyragy!
Söz älemniň baky öçmez çyragy,
Her bir sözi köňülleriň şygary,
Bezäp otyr gojaman Köpetdagy,
Asyrlara baky rowan, Pyragy!
Täze döwür täze bagty eçildi,
Bahry Hazar ara dürler seçildi,
Türkmen akyldary töre geç indi,
Owazasy dünýä dolan, Pyragy!
Merjen KÜRENOWA,
Aşgabat şäherindäki ýöriteleşdirilen
27-nji orta mekdebiň okuwçysy.
