Türki medeniýetiniň halkara guramasy (TÜRKSOÝ) tarapyndan Änew şäheriniň “Türki dünýäsiniň medeni paýtagty” diýlip yglan edilmegi bilen, “Pähim-paýhas ummany Magtymguly Pyragy” ýylynda şanly geçmişi bolan Änew şäherine bütin dünýäniň nazary gönügýär. Ýaňy-ýakynda şular dogrusynda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşiniň gurnamagynda tegelek stoluň başynda söhbetlik geçirildi.
Çärede Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşiniň we beýleki jemgyýetçilik guramalarynyň işgärleri çykyş etdiler. Çykyş edenler Änew şäheriniň “Türki dünýäsiniň medeni paýtagty” diýlip yglan edilmegi, gadymy şäheriň baý taryhy we medeni mirasy, onuň dünýäniň ylmy jemgyýetçiligindäki orny dogrusynda giňişleýin gürrüňleri berdiler.
Çäräniň ahyrynda oňa gatnaşyjylar halkymyzy eşretli durmuşda ýaşadýan, milli mirasymyzy dünýä ýaýmakda uly işleri durmuşa geçirýän Türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsunlaryny aýdyp, olaryň janlarynyň sag, ömürleriniň uzak, alyp barýan işleriniň mundan beýläk hem rowaçlyklara beslenmegini arzuw etdiler.
Annagül BEGNAZAROWA,
TMÝG-niň Balkan welaýatynyň
Türkmenbaşy şäher Geňeşiniň
uly buhgalteri.
