Ýakynda Gündogaryň beýik akyldary Magtymguly Pyragynyň goşgularyndaky terbiýeçilik ähmiýetli öwüt-nesihatlaryny ýaşlara düşündirmek, olary watançylyk ruhunda terbiýelemek maksady bilen, Türkmenistanyň Magtymguly adyndaky Ýaşlar guramasynyň Balkan welaýat Geňeşi welaýatyň hukuk goraýjy edaralary, beýleki jemgyýetçilik guramalary bilen bilelikde talyp ýaşlaryň arasynda wagyz-nesihat duşuşygyny geçirdi.
Çärede çykyş edenler Berkarar döwletiň täze eýýamynyň Galkynyşy döwründe halkymyzyň arasynda wagyz-nesihat işlerini güýçlendirmek, ýaş nesli sagdyn ruhda terbiýelemek dogrusynda giňişleýin durup geçdiler. Çykyşlarda nusgawy edebiýatymyzyň görnükli wekili Magtymguly Pyragynyň goşgularyndaky adamyň saglygyna zyýan ýetirýän çilimkeşligiň, arakhorlugyň ýaramaz täsirleri barada aýratyn bellenilip geçildi.
Çäräniň ahyrynda oňa gatnaşyjylar eşretli, parahat durmuşymyzyň we asuda ýaşaýşymyzyň sakasynda duran hormatly Prezidentimiziň janynyň sag, ömrüniň uzak, il-ýurt bähbitli alyp barýan işleriniň hemişe rowaçlyklara beslenmegini arzuw etdiler.
Gülnara SARYBAÝEWA,
TMÝG-niň Balkan welaýat Geňeşiniň Baş buhgalteri.
