Bütindünýä saglyk güni mynasybetli ýurdumyzyň ähli künjeginde bolşy ýaly, Balkan welaýatymyzda hem birnäçe sport çäreleri we bäsleşikler guralýar.
Şeýle çäreleriň biri hem, Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan gurnalyp, Balkanabat şäherinde talyplaryň we edara-kärhanalarda zähmet çekýän ýaşlaryň gatnaşmagynda geçirildi.
Sportuň dürli görnüşleri boýunça gurnalan görkezme çykyşlary, sport ýaryşlary, welosipedli ýöriş bilen dowam etdi.
Saglyk diňe bir adam üçin däl, eýsem, tutuş jemgyýet üçin gymmatly bolup, beden taýdan sagdynlygyň, güýç-kuwwatyň, zähmet hem-de döredijilik işjeňliginiň, umuman, abadan durmuşyň gözbaşydyr. Berkarar döwletiň täze eýýamynyň Galkynyşy döwründe bu ugur Türkmenistanyň döwlet syýasatynyň ileri tutulýan ugurlarynyň biri bolup durýar. Şunuň bilen baglylykda, häzirki döwürde eziz Watanymyzda giň gerime eýe bolan köpçülikleýin bedenterbiýe-sagaldyş we sport hereketini ösdürmäge giň mümkinçilikler döredilýär. Şeýle mümkinçilikleri döredip berýän Arkadagly Gahryman Serdarymyza biz ýaşlaryň alkyşlarymyz çäksizdir.
Güýçmyrat ÝAGŞYÝEW,
TMÝG-niň Balkan welaýat Geňeşiniň
başlygynyň orunbasary.
