Şükür! Eziz Watanda bagtymyz goşa-goşa,
Eşretden ýaňa möwçli köňüller joşa-joşa,
Şöhratymyz-şanymyz ýaň salýar galyp arşa,
Bu Türkmeniň buýsanjy ýylyň beýik şygary
Pähim-paýhas ummany Magtymguly Pyragy.
Göterildi eziz ýurdum, beýgeldi türkmen ykbaly,
Gül Watanym akyldaryň arzuwynyň wysaly,
Toý-dabara beslenip dur döwürleriň ak ýoly,
Ata ýurda şan getirdi ýylyň beýik şygary
Pähim-paýhas ummany Magtymguly Pyragy.
Rowaýata öwrülen ady dillerde dessan,
Söz ussady hem zergär, Hakdan halatly ynsan,
Şygyrlarna baş egýär ýer ýüzi, Türkmenistan,
Şygryýetiň ussady, ýolumyzyň çyragy
Pähim-paýhas ummany Magtymguly Pyragy.
Ýazypdyr hakykaty, sözläp her ne bilenin,
Kemlik bilip özüne, sözün aýtman ölenin,
Taraşlap, şagladypdyr Hakdan köňle gelenin,
Ýadygär hem nusgalyk ýylyň beýik şygary
Pähim-paýhas ummany Magtymguly Pyragy.
Tumar KIÇIBALOWA,
Daşoguz welaýatynyň Boldumsaz etrabynyň bilim bölüminiň hasapçysy, TMÝG-niň işjeň agzasy.
