Paýhas bagynyň bilbili,
Magtymguly Pyragydyr.
Söz sonarnyň parlan güli,
Magtymguly Pyragydyr.
Pähim, parasat çeşmesi,
Sözleri zerden keşdeli,
Köňüller onuň teşnesi,
Magtymguly Pyragydyr.
Ykballaryň duýgy, sazy,
Patasyn beren «Şirgazy»,
Haka bolan yşkyň özi –
Magtymguly Pyragydyr.
Nesillere miras dessan,
Kalba ýagşy niýet beslän,
Berkarar döwleti islän,
Magtymguly Pyragydyr.
Ýollara çyragly çelgi,
Geljegmize aýdyň salgy,
Molla Azadynyň kalby,
Magtymguly Pyragydyr.
Ündäp asylly edebi,
Beren pentleri ebedi,
Şygry nesihat mekdebi,
Magtymguly Pyragydyr.
Didaraly ERKÄÝEW,
Magtymguly adyndaky Türkmen döwlet uniwersitetiniň talyby.
