Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy etrap Geňeşiniň, etrap prokuraturasynyň, etrap polisiýa bölüminiň, «Balkantelekom WEAK» aragatnaşyk bölüminiň, etrap bilim bölüminiň, şeýle-de jemgyýetçilik guramalarynyň bilelikde guramagynda Türkmenbaşy etrabynyň 15-nji orta mekdebiniň okuwçylarynyň arasynda wagyz-nesihat duşuşygy geçirildi. Duşuşykda çykyş edenler türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Türkmenistanyň Halk Maslahatynyň Prezidiumynyň mejlisinde «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça gaýragoýulmasyz wezipeler barada eden taryhy çykyşyny we elektron resminama, elektron resminama dolanyşygy we sanly hyzmatlar hakynda», «Aragatnaşyk hakynda», «Türkmenistanda Internet torunyň ösüşini we internet-hyzmatlaryny etmegi hukuk taýdan düzgünleşdirmek hakynda», «Maglumat we ony goramak hakynda», «Türkmenistanyň döwlet maglumat ulgamlaryndaky maglumaty goramak hakynda», «Kiberhowpsuzlyk hakynda» Türkmenistanyň kanunlarynda göz öňünde tutulan esasy maksatlary we wezipeleri hem-de internet torunyň ösdürilmegi we peýdalanylmagy babatda işi düzgünleşdirýän Türkmenistanyň beýleki kadalaşdyryjy hukuk namalarynyň talaplaryny okuwçylarymyza giňişleýin düşündirdiler. Ýaşlaryň sanly ulgam boýunça pikir-düşünjesini has-da ýokarlandyrmak hem-de olaryň peýdaly we zyýanly taraplaryny düşündirmek, internet ulgamyny netijeli ulanmak hakyndaky gürrüňler bolsa has-da täsirli boldy. Duşuşygyň ahyrynda halkymyzy aýdyň nurana eşretli günlerde ýaşadýan, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň elmydama rowaç bolmagyny arzuw etdiler.
Gülbagt PÜRÇIKOWA,
TMÝG-niň Türkmenbaşy etrap Geňeşiniň
sanly ulgam boýunça esasy hünärmeni.
