Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary netijesinde ata-babalarymyzyň parahat, asuda hem abadan durmuş hakyndaky arzuwlary durmuşa geçirilýär.
Hormatly Prezidentimiziň: «Merdana ata-babalarymyzyň gahrymançylygy mukaddes Watanymyza, halkymyza we tutuş adamzada ak ýürekden gulluk etmegiň nusgalyk mekdebidir. Şoňa görä-de, gazaply uruş ýyllarynyň güzaplary, jebir-jepalary, ýetiren zyýany, bu döwrüň taryhynyň gahrymançylykly sahypalary hiç wagt unudylmaz! 1941 — 1945-nji ýyllaryň aldym-berdimli söweşlerinde edermenligiň we gaýduwsyzlygyň, baky hormatyň hem-de ebedi şöhratyň beýik nusgasyny döreden gahrymanlarymyz kalbymyzda baky ýaşar!» diýip belleýşi ýaly, ýurdumyzyň erkinligi, asudalygy ugrunda döşüni gerip söweşen uruş weteranlarynyň, olaryň ýanýoldaşlarynyň we tylda zähmet çekenleriň sarpasynyň hemişe belentligi hiç haçan unudylmaz. Olaryň tylda görkezen gahrymançylygy we edermenligi Ýeňiş gazanmak ugrundaky hereketlerinde uly ähmiýete eýe boldy we häzir Garaşsyz Watanymyzyň gazanan üstünlikleriniň goragynda durýan ýaşlar üçin nusga hem-de terbiýe mekdebi bolup hyzmat edýär.
Her ýylda bolşy ýaly, «Pähim-paýhas ummany Magtymguly Pyragy» ýylynda hem Ýeňiş güni aýratyn dabaralara beslenýär. Şeýle çäreler hormatly Prezidentimiziň Permany esasynda uruş weteranlaryna, urşa gatnaşyjylaryň ýanýoldaşlaryna hem-de tylda zähmet çeken weteranlara gymmat bahaly sowgatlary gowşurmak dabaralary bolup durýar.
Şunuň bilen baglylykda, Balkan welaýat häkimliginiň, Türkmenistanyň Magtymguly adyndaky Ýaşlar guramasynyň Balkan welaýat Geňeşiniň jemgyýetçilik guramalarynyň wekilleri bilen bilelikde uzak ýaşly eneleriň öýlerine baryp, olary baýramçylyk bilen gutlamaklary mähriban käbelerimiziň we olaryň maşgalalarynyň begenjini artdyrdy. Olar ata Watanymyzyň, halkymyzyň abraý-mertebesini belende götermek ugrunda beýik işleri durmuşa geçirýän Arkadagly Gahryman Serdarymyza, Gahryman Arkadagymyza alkyş sözlerini aýtdylar.
Oguljeren ÇENDIROWA,
TMÝG-niň Balkan welaýat Geňeşiniň
Guramaçylyk bölüminiň baş hünärmeni.
