Ýurdumyzda sportuň ösen ulgamyny döretmek, beden we ruhy taýdan sagdyn nesilleri terbiýeläp ýetişdirmek, Hormatly Prezidentimiziň parasatly syýasaty netijesinde ýurdumyzyň sport abraýyny belende götermek babatda uly işler alnyp barylýar. Bu ugurda alnyp barylýan işlerden ugur alyp, «Pähim-paýhas ummany Magtymguly Pyragy» ýyly mynasybetli 2009-2010-njy ýyllarda doglan ýetginjek oglanlaryň arasynda Türkmenistanyň Magtymguly adyndaky Ýaşlar guramasynyň Balkanabat şäher Geňeşi we Balkan welaýatynyň Hazar şäherçesiniň 4-nji sport mekdebi bilen bilelikde sportuň kiçi futbol görnüşi boýunça ýaryş geçirildi. Ýaryşa jemi 4 topar gatnaşyp, öz aralarynda başarnyklaryny görkezdiler. Netijede, I orna «Deňizçi» topary, II orna «Mawy kenar», III orna «Hazar» topary mynasyp boldular. Ýeňijilere Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan ýadygärlik sowgatlary gowşuryldy.
Baýramgül SAFAROWA,
TMÝG-niň Balkanabat şäher Geňeşiniň
Guramaçylyk bölüminiň baş hünärmeni.
