Arzuw eýläp, ömür boýy türkmeniň,
Islediň sen birligini, Pyragy.
Bu gün görsediň sen, Berkarar ýurduň,
Ýagty dogýan her gününi, Pyragy.
Her setiri söz dürüne basyrlan,
Göz guwanjy, ýörelgesi nesilleň,
Baksak-da biz aňyrsyndan asyrlaň,
Ýitirmeýäň terligiňi, Pyragy.
Belentlige oklap bilim kemendin,
Kesip geçdiň ylym dagnyň derbendin,
Aýlap sözler kelebiniň perginden,
Saradyň sen ýumagyňy, Pyragy.
Bu Watanyň owal-ahyr şany sen,
Milli edebiýatyň genji-käni sen,
Şygyr gämisiniň kapitany sen,
Kürekleýän küregini, Pyragy.
Seýitmämmet BERDIMÄMMEDOW,
Türkmenistanyň Içeri işler ministrliginiň institutynyň mugallymy, Türkmenistanyň Ýaşlar baýragynyň eýesi.
