Şan-şöhraty tutuş dünýäň dilinde,
Magtymguly Pyragynyň sözleri,
Ula-kiçä her bir işde görelde,
Magtymguly Pyragynyň sözleri.
Arzuwlan döwleti bir supra jemdir,
Her türkmen ojagyna howadyr, demdir,
Köňüldäki derde şypadyr, emdir,
Magtymguly Pyragynyň sözleri.
Şaglap akmyş dilden ylham joşguny,
Arşdan belent gördi Watan yşgyny,
Dagy-düzi, bezär türkmen köşgüni,
Magtymguly Pyragynyň sözleri.
300 ýyl geçse-de ol baky diri,
Gyzyl edebiýatyň, dür sözüň piri,
Geçmişiň ýalkymy, geljegiň düri,
Magtymguly Pyragynyň sözleri.
Joşgun PUHANOW,
Türkmenistanyň Goranmak ministrliginiň
Harby-deňiz institutynyň harby talyby.
