- Alym – ylym eýesi, jemgyýet – alym eýesidir.
- Arassalyk, päkizelik ynsapdan çykman, halallyga gol ýapmakdyr.
- Alym bolmak aňsat, adam bolmak kyn.
- Allanyň öňünde imanyň, milletiň öňünde zähmetiň seniň iň uly güwäňdir.
- Akyl nämäni buýursa, dil şony diýer.
- Akyl – ylmyň şinesidir, zehin – tohumydyr.
- Akyllylygyň şerti sagdynlykdyr.
- Aklyň iň ýokary derejesi – parasatdyr.
- Adamzat jemgyýeti ylymsyz, adam akylsyz ýaşap bilmsez.
- Kitap – adamyň paýhasynyň maddylaşmagydyr.
- Bilim altyndan gymmat.
- Adamyň akyllysy dil öwrener.
- Adamdan ýalňyz bir ýadygärlik galýar, ol hem onuň bitiren işleridir.
- Sahy berenini aýtmaz, mert sözünden gaýtmaz.
- Baýlygyň sakasy – saglyk.
- Akyldan artyk baýlyk ýok, saglykdan gymmat zat ýok.
- Bir sözle, iki diňle.
- Köp sözüň azy ýagşy, az sözüň – uzy.
- Bagta zähmet bilen ýetilýändir.
- Bilim – ilden özüňe almakdyr, sarp etmekdir. Ylym – özüňden ile bermekdir, döretmekdir.
Taýýarlan: Serwi GUWANJOWA,
TMÝG-niň Daşoguz welaýatynyň
Boldumsaz etrap Geňeşiniň esasy hünärmeni.
