Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi, ösüp gelýän ýaş nesli köpçülikleýin bedenterbiýä we sporta çekmek, olaryň wagtlaryny şadyýan hem-de gyzykly geçirmeklerini gazanmak maksady bilen, “Bagtyýar nesil” çagalar sagaldyş we dynç alyş merkezinde dynç alýan çagalaryň arasynda “Küşt oýny – beýniň gimnastikasy” ady bilen, küşt bäsleşigini geçirdi. Onda “Paýhas” hem-de “Bossan” gyzlar toparlary özara bäsleşdiler. Bäsleşikde “Paýhas” topary garşydaşyndan öňe saýlandy. Ýeňiji gyzlar toparyna Ýaşlar guramasynyň ýerli Geňeşi tarapyndan ýadygärlik sowgatlar gowşuryldy.
Sülgün PIRIÝEWA,
TMÝG-niň Daşoguz welaýatynyň
Akdepe etrap Geňeşiniň bölüm müdiri.
