Şu gün Arkadag şäheriniň Taryhy we ülkäni öwreniş muzeýinde «Mirasym – mertebäm hem-de ýörelgäm» atly «tegelek stoluň» başyndaky söhbetdeşlik geçirildi. Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Aba Annaýew adyndaky Halkara atçylyk akademiýasynyň hem-de Arkadag şäheriniň Taryhy we ülkäni öwreniş muzeýiniň wekilleriniň gatnaşmagynda geçirilen bu söhbetdeşlikde milli mirasymyz, däp-dessurlarymyz hem-de türkmençilik ýol-ýörelgeleri dogrusynda täsirli gürrüňler edildi.
Şeýle hem çykyş edenler Arkadag şäheriniň gurluşyk işlerinde, döwrebap binalarynda we olaryň atlarynda ulanylan milli äheňler we ady dakylan taryhy şahsyýetler hem-de alnyp barylan bu işleriň milligimizi goramakdaky, geljekki nesillere ýetirmekdäki ähmiýeti dogrusynda buýsanç bilen bellediler.
Umyda KAKAÝEWA,
TMÝG-niň Arkadag şäheriniň
Geňeşiniň bölüm müdiri.
