Golaýda Balkanabat şäheriniň Hazar şäherçesindäki «Gara Altyn» çagalar dynç alyş we sagaldyş merkezinde tomusky dynç alyş möwsüminde dynç alýan çagalaryň arasynda ýol hereketiniň howpsuzlygy boýunça toparlaýyn bäsleşikler geçirildi. Türkmenistanyň Magtymguly adyndaky Ýaşlar guramasynyň Balkan welaýat we Balkanabat şäher Geňeşleriniň bilelikde guran bäsleşigi «Ýol hereketiniň howpsuzlygy – ömrümiziň rahatlygy!» diýlip atlandyryldy. Çagalar bäsleşigiň dürli şertleri boýunça bäsleşip, öz erjelliklerini görkezdiler. Diýseň gyzykly geçen bäsleşigiň netijeleri boýunça ýeňijilere Türkmenistanyň Magtymguly adyndaky Ýaşlar guramasynyň ýadygärlik sowgatlary gowşuryldy.
Baýramgül SAFAROWA,
TMÝG-niň Balkanabat şäher Geňeşiniň
Guramaçylyk bölüminiň baş hünärmeni.
