Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi, “Bagtyýar nesil” çagalar sagaldyş we dynç alyş merkezinde dynç alýan çagalaryň arasynda ýaşlaryň ekologiýa medeniýetini kämilleşdirmek, olaryň gözel tebigatymyza, ösümlik we haýwanat dünýäsine, tebigy baýlyklarymyza aýawly çemeleşmeklerini gazanmak maksady bilen, “Tebigatymyzyň täsin gözellikleri” atly surat çekmek boýunça bäsleşik geçirdi. Bäsleşik gyzykly geçip, onda “Gunça” hem-de “Güller” toparlary özara bäsleşdiler.
Netije-de, “Güller” topary bäsdeşinden öňe saýlanyp, bäsleşigiň ýeňijisi diýlip yglan edildi. Ýeňiji topara Ýaşlar guramasynyň ýerli Geňeşiniň ýadygärlik sowgatlary gowşuryldy.
Azada ORAZOWA,
TMÝG-niň Daşoguz welaýatynyň
Akdepe etrap Geňeşiniň esasy hünärmeni.
