Golaýda şeýle mazmunly şygar astynda, Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi «Bagtyýar nesil» çagalar sagaldyş we dynç alyş merkezinde tomusky dynç alyşdaky çagalaryň arasynda surat çekmek boýunça bäsleşik geçirdi. Bäsleşijiler öz çeken suratlarynda tebigatymyzyň gözel künjeklerini, Arkadagly Gahryman Serdarymyzyň parasatly baştutanlygynda daşky gurşawy we ekologiýany goramakda alnyp barylýan döwletli tutumlary giňden wasp etmekde öz ukyp-başarnyklaryny açyp görkezdiler. Gyzykly geçen bäsleşigiň ýeňijilerine hem-de oňa işjeň gatnaşan çagalara Ýaşlar guramasynyň ýerli Geňeşiniň ýadygärlik sowgatlary gowşuryldy.
Serdar GARLYÝEW,
TMÝG-niň Daşoguz welaýatynyň
Boldumsaz etrap Geňeşiniň bölüm müdiri.
